تعالى نرسم خطوتين فوق الطريق على قدنا إحنا
مين قال زمان الرسم مَشّى
لما كان العسكر المترصصين عل الارصفة بيحجّزوا بينّا؟
ده الحب عمره ماكان خبر مشطوب من الجرنان
ولا قضية أمن دولة
ولا نبي هربان من الجنة
الحب ماشي في الشوارع
مستخبي في عيون الطبيبن
مدقوق عل الأسفلت بالحنة
وأنا لما أقول إني باحبك مش بحاول أعترض عل أي حاجه
أنا بس باعقد من أسامينا فيونكة لبنت حلوة
قاعدة تستنى
No comments:
Post a Comment